სოციალური მედიის კამპანია

დაგეგმილი პერიოდი: 2026 წლის აპრილი–ივნისი

კამპანია წარმოადგენს ტრენინგის შემდგომი აქტივობების ნაწილს. მონაწილეები მოწვეულნი იქნებიან შექმნან ციფრული მხატვრული კონტენტი, რომელიც შეიცავს საგანმანათლებლო კომპონენტს.

შეიქმნება მინიმუმ 50 სოციალური მედიის პოსტი, ვირტუალური თანამშრომლობისა და ექსპერიმენტული მუშაობის საფუძველზე. თემატიკა შეეხება სოციალურად მნიშვნელოვან საკითხებს, მათ შორის Erasmus+ 2021–2027 პროგრამის ჰორიზონტალურ პრიორიტეტებს: გარემოსდაცვითი მდგრადობა, მრავალფეროვნება და ჩართულობა, დემოკრატიული, ღირებულებები, სამოქალაქო ჩართულობა და მონაწილეობა, ციფრული განზომილება (დიგიტალიზაცია და ციფრული დემოკრატია).

შეიქმნება სპეციალური კამპანიის ჰეშთეგები, რომლებიც გააადვილებს თემატურად შეკრული კონტენტის შექმნას. ნამუშევრები განთავსდება Instagram-ისა და Facebook-ის არხებზე, რაც უზრუნველყოფს როგორც საზოგადოებისთვის ხილვადობასა და დისკუსიის შესაძლებლობას, ისე პროექტის შედეგების გავრცელებას.

მთავარი მიზნები:

• ხელი შეუწყოს მონაწილეთა აქტიურ თანამშრომლობას, თემის შეგრძნებისა და საერთო პასუხისმგებლობის განცდის ჩამოყალიბებას;
• წარმოაჩინოს სოციალური პრობლემებისადმი ინოვაციური მიდგომები, ფართო აუდიტორიასთან ურთიერთქმედებით, დემოკრატიული ღირებულებების პოპულარიზაციის გზით;
• მხარი დაუჭიროს ადგილობრივ აქტივობებს უკრაინასა და საქართველოში სოციალური მედიის ინსტრუმენტების მეშვეობით;
• გაზარდოს საზოგადოებრივი ცნობიერება სოციალურ საკითხებზე;
• შექმნას სივრცე ტრენინგის მონაწილეებისთვის, რათა გამოიყენონ მიღებული ცოდნა, უნარები და მიდგომები პრაქტიკაში;
• თეორიული ცოდნა გადაიყვანოს პრაქტიკაში — საინტერესო და ეფექტური მხატვრული კონტენტის შექმნის გზით, რომელიც დაკავშირებულია სამოქალაქო განათლებასთან