CivicArt-ის მეთოდოლოგიური გზამკვლევი უკვე ხელმისაწვდომია ჩამოსატვირთად

ნოემბერი 2, 2025

სიხარულითა და ენთუზიაზმით წარმოგიდგენთ ჩვენს მეთოდოლოგიურ გზამკვლევს — პრაქტიკულ ინსტრუმენტს ახალგაზრდული მუშაკებისთვის, პედაგოგებისა და აქტივისტებისთვის, რომლებსაც სამოქალაქო განათლებისა და მხატვრული პრაქტიკების გაერთიანება სურთ.

გზამკვლევი უკრაინელი, ქართველი, გერმანელი და ესპანელი პარტნიორების გამოცდილებას აერთიანებს და ახალგაზრდებთან ხელოვნების საშუალებით მუშაობის კონკრეტულ მეთოდებს გვთავაზობს. აქ ნახავთ კონტექსტის აღწერასა და მეთოდოლოგიას, გამოსაყენებლად გამზადებულ სასწავლო სესიების გეგმებს, თეორიულ მასალებსა და პრაქტიკულ რჩევებს ფასილიტატორებისთვის.

რას მოიცავს გზამკვლევი

გზამკვლევი შვიდი თავისგან შედგება და თეორიიდან პრაქტიკამდე სრულ გზას მოიცავს:

  • თავი 1 გვაცნობს პროექტსა და გზამკვლევის სტრუქტურას.
  • თავი 2 განმარტავს ხელოვნების საშუალებით სამოქალაქო განათლებისა და არტივიზმის ცნებებს და წარმოგვიდგენს 22 პრაქტიკას ევროპის სხვადასხვა ქვეყნიდან.
  • თავი 3 აანალიზებს უკრაინასა და საქართველოში ახალგაზრდული საქმიანობის კონტექსტსა და გამოწვევებს.
  • თავი 4 ეხება არაფორმალური განათლების მეთოდოლოგიასა და ფასილიტატორთა კომპეტენციებს.
  • თავი 5 შეიცავს სესიების მზა გეგმებს ადამიანის უფლებების, ახალგაზრდების მონაწილეობის, გარემოს დაცვისა და სექტორთაშორისი დიალოგის თემებზე.
  • თავი 6 მოიცავს ზემოქმედების შეფასებასა და მონაწილეებთან შემდგომ მუშაობას.
  • თავი 7 აღწერს არტივისტული პროექტების განხორციელებისას გავრცელებულ გამოწვევებს.

ყოველი თავი მოკლე საცნობარო ბარათით მთავრდება — ძირითადი იდეების შეჯამებით, რომლის გამოყენებაც სესიების მომზადებისას მოსახერხებელია.

როგორ გამოვიყენოთ გზამკვლევი

გზამკვლევის თავიდან ბოლომდე წაკითხვა აუცილებელი არ არის. თქვენი საჭიროებების მიხედვით შეგიძლიათ კონკრეტული თავი ან აქტივობა აირჩიოთ. თითოეული სესია მოიცავს მკაფიო მიზანს, სწავლის შედეგებს, ნაბიჯ-ნაბიჯ ინსტრუქციებსა და საჭირო მასალების ჩამონათვალს.

თითოეული თავის დასრულების შემდეგ Cities of Learning-ის პლატფორმაზე შეგიძლიათ მიიღოთ ციფრული Open Badge — სამკერდე ნიშანი, რომელიც თქვენი სწავლის შედეგს ადასტურებს.

მეთოდოლოგიური გზამკვლევი ხელმისაწვდომია უკრაინულ, ქართულ და ინგლისურ ენებზე. მისი ჩამოტვირთვა შეგიძლიათ ჩვენი ვებგვერდის „ბიბლიოთეკის“ განყოფილებიდან: ბმული

 

უახლესი ამბები
🔇